Når eg finn ei pizzaoppskrift i eit treningsblad, må jo pizzaen vera fabelaktig sunn?Og eg skal vera dønn ærlig og sei at einaste grunnen til at eg åpna bladet, var på grunn av oppskriftene. Uansett, dette er ei oppskrift eg nappa ut av Fit bladet,der det står med utheva stor skrift ”Speltmel både smaker og metter mer enn vanlig hvetemel”. Godt nok for meg! Og alle veit jo kor sunn kylling og spinat er. No veit du det ihvertfall.
Oppskrifta var litt kranglete, deigen var ikkje så veldig samarbeidsvillig. Men etter å ha krangla ferdig, satt me igjen med ein riktig så god, sunn pizza!
Deig
- 90 gram speltmjøl
- 30 gram maismjøl
- 1 1/2 dl vatn
- 15 gram gjær
Fyll
- 1 kyllingfilet(Me brukte 2)
- 400 gram fersk spinat
- 1/2 raudlauk
- 1/2 raud paprika
- 1 dl ricottaost
- Fersk basilikum
- Salt og pepper
- Bland deigen i ei skål og elt den til den er smidig. Er den for klissete bruker du litt kveitemjøl. La den heva i ca 40min.
- Skjær ferdigsteikt kyllingbryst i avlange strimler. (du kan sjølvsagt steike kyllingen i strimler, mens me syns kyllingen blir betre når me steiker den som heile bryst)
- Skyll spinaten og steik den i ei panne i ca 1min. (Her sparte me på kyllingsafta i panna og steikte spinaten i den)
- Hakk raudlauken og paprikaen i små biter. Hakk basilikumen i små biter.
- Ta deigen ut av bollen og kjevl ut til ein rund deig.
- Fordel ricottaost i bunnen.
- Legg på spinat, kylling, raudlauk, paprika og basilikum.
- Krydre med salt og pepper og ta nokre dråper olivenolje over.
- Steik pizzaen i 30 min ved 190 grader.
- Server varm eller kald-til frokost eller som snacks.
Neste gong gjer me nok litt endringer. Litt tips til dykk
-Salter ricottaosten, den smakte nemlig ikkje så veldig mykje. Kanskje blande i kvitlauk, salt og pepper i osten, før me smører den på pizzaen.
-Steike kyllingen saman med litt chili
-Helle over litt kvitlauksolje rett før pizzaen serveres
(For å spara Lindåsfolk for litt arbeid; Etter å ha besøkt både Spar, Kiwi og Rema, fann me endelig ricottaost på Safari)
