Supersunt, supergodt og superlett!

Etter å ha trålt butikken for ein lettare variant av påleggsalat gav eg opp og lagde min egen variant! Du får ingen nøyaktig oppskrift sidan denne blir annleis for kvar gong eg lagar den. her må ein prøva seg fram!   Denne gongen blei den slik:

Du treng:

• Kylling, gjerne økologisk. (ferdig steikt sjølvsagt)
• Paprika, gul og raud
• Vårlauk
• 1 fedd kvitlauk
• Purre
• Tyrkisk yoghurt
• Fersk Basilikum
• Salt og pepper

1. Bland saman hakka kvitlauk og basilikum med tyrkisk yoghurt. Kor mykje yoghurt du brukar velger du sjølv. Dette justerer du underveis. Det samme gjeldt med kvitlauken og basilikum. Sidan eg elskar begge deler brukar eg mykje!:-)
2. Ha så oppi alle dei andre ingrediensane, alt skal vera hakka i små bitar.
3. Smak til med salt og pepper. Ferdig!

Ein slager!

Nokon har blakka seg på kokebøker på Tanum, heldigvis kjem da mykje godt ut av det. Bokstavelig talt. Høm Høm.

4 pers

• 2 ss sesamfrø
• 3 ss olivenolje
• 4 stk kyllingfileter
• 3 ts revet ingefær
• 1 ts revet appelsinskall
• 1 1/4 dl hønskekraft
• Grønnsaker, for eksempel sukkererter og paprika.

1. Tørrist sesamfrø i ein wok og ha dei så på eit fat.
2. Warm så woken opp til det ryk. Ha i olja, og vipp woken slik at sidene blir smurt av olje. Del kyllingen i bitar og steik i porsjonar, ha kyllingen på eit fat, og gjer det same med grønnsakene.
3. Ha all kyllingen tilbake igjen i woken
4. Bland ingefær og appelsinskall og røresteik det i ca 20 sek. Bland i kraft og la det småkoka i nokre min.
5. Ha i grønnsakene, og smak til med salt og pepper.
6. Dryss på rista sesamfrø og server!

Søndag. Dagen derpå. Svolten. Bilen vil ikkje starta. Sur&svolten.

Ei kort oppsummering av historien bak denne heimemekka kebaben. Den blei laga av det som var tilgjengelig i huset.

Du treng

Agurk

Tomat

Rødløk

Tyrkisk yoghurt

Yoghurt naturell

Kvitlauk

Chorizo

Entrecot

Kikerter

-Dressing:Press eit fedd med kvitlauk og bland det i saman med litt tykisk yoghurt. Spe med litt yoghurt naturell for å få den litt tynnare i konsistensen. Ha i salt og pepper og bland godt saman.

-Skjær chorizo, biff, raudlauk og kvitlauk i bitar,  og steik i omgonger i ei varm panne.

-Surr kikerter ilag heilt på slutten, og bland alt saman.

-Krydre kjøtblandinga med chilikrydder, spisskumin og paprikapulver. Hell oppi bittelitt vatn og la det koka inn.

Lag tortillalefser:

Heimelaga tortillalefser.

• 250 gram kveitemjøl
• 1/2 TS salt
• 3 SS Maisolje
• 1dl lunka vatn

1. bland mjøl, salt og olje godt før du blandar i vatnet og kna deigen i 2-3min.
2. del opp i 8 bitar og sett under plastfolie i 30min.
3. kjevl ut til tynne lefser ca20-25cm diameter.
4. steik på glovarm,tørr panne i ca 1min på kvar side.
5. hold dei varm i eit klede før servering så dei mjuknar litt.

Legg hakka agurk , raudlauk og tomat på ei lefse. Ha så over kjøt – og kikertblandinga, og ta ein dæsj med yoghurtdressing på toppen. Voila! You have a kebab!

Me veit at bloggen er ganske stille for tida, men her kan eg og oppsummera kort kvifor: Dårlig tid. Ødelagt kamera. Likar ikkje dårlige bilete på bloggen.Alt for mørkt på kveldane, ergo dårlig lys = enda dårligare bilete.

Til og med Britt reagerer,  og true med å ta saken i eigne hender

Men me skal kjøpa nytt kamera, og snart kjem lysare tider!

Ha ein fortsatt fin søndag!

I  avisa Strilen deler eg både mitt kake relaterte nyttårsforsett og ikkje minst, oppskrifta på denne 2 etasjers sjokoladekake med marengskrem.

Du kan kjøpe spalta her.

Me hopper innom bloggen for å dele denne kjempegode oppskrifta. Oppskrifta fann me på Trine sin blogg.

• frisk timian, finhakket

Kort fortalt så steiker du alle ingrediensane saman, og lar dei putre saman i nokre minutter.( Me hadde i ein god del meir chorizo enn det som står i Trine si oppskrift)

Torsken steiker me i skikkelig smør til den er gjennomsteikt. Supergodt til potetstappe!

Enkel men skikkelig god torskemiddag, anbefalast!

På den siste dagen i 2012 reiser me til Roma. Det nye året skal feirast med eit brak, eit superdupermega italiensk brak!

Me reiser sjølvsagt i matinspirasjonens ånd, og sekunder etter at turen var bestillt har me leita på nettet etter restauranten me vil tilbringa nyttårsafta på. Sjølv om me er litt . “Me rusler ned her og ser kor me kjem” turister, må me nesten bestilla bord no visst me skal få plass på den siste dagen i året. Tipper me allereie er seint ute.

Om nokon har gode restaurant tips, blir me veldig glad visst du deler med oss. Nokon som har prøvd La Pergola eller Antico Arco?

Tortano er ikkje første gong me lager, originaloppskrifta finn du her.  Einaste forskjellen er at ein blandar soltørka tomat inn i sjølve deigen, og selvfølgelig som ein del av fyllet. Eg brukte eit halvt glas som eg elta inn i deigen, og resten av glaset hadde eg ilag med fersk mozzarella ost,  inni sjølve tortanoen.(Når ein kjevler ut deigen og legg på fyll).  Du siler sjølvsagt den soltørka tomaten.

Denne gongen hadde eg ikkje durumkveite, så eg erstatta mengden med kveitemjøl, går heilt fint!

Så det du treng i tillegg til originaloppskrifta,  er eit glas med soltørka tomat og fersk mozzarella.

Kjempegodt attåt ost, skinke, oliven og pære chutney!

Enkel og utrulig smakfull middag. Det er sjølvsagt eit must at du likar blåmuggost. Morten rynkar på nasa når eg sitt og gomler på blåmuggost, så dette er ikkje middag for han. Men det er heilt i orden, da får eg den for meg sjølv;-) Han pleier å få samme middag, berre med parmesan istadenfor. Så da er me fornøyde begge to.

1. Kok spaghetti og sil av.

2. Kok opp fløte ilag med blåmuggost. Det er ikkje mykje blåmuggost ein treng, men dette blir hipp som happ kva du likar. Prøv deg fram.

3. Når osten har smelta i fløten, blandar du spaghetti med ostesausen. Dryss over med bitar av blåmuggost, og masse pepar.

4. Ferdig!

Oppskrift funne i eit gammalt Elle blad.  For ei som e-l-s-k-e-r chevre ost og ikkje minst raud pesto,  måtte oppskrifta prøvast. Og det var godt!

4 pers

• 300 gram butterdeig
• 250 gram krydra Chevre, oppdelt i skiver
• 1/2 glass raud pesto
• 1 liten raudlauk, kutta i ringer
• 400 gram tomater
• Friske basilikumblad

1. Forvarm omnen til 200 grader.
2. Rull ut deigen
3. Legg deigen i ei smurt form. Lag små hull i deigen med ein gaffel
4. Smør pesto utover botnen, legg så ost oppå.
5. Ha så lauk og tomater oppå.
6. Steik i omnen i 25-30 min, eller til den er gylden.
7. Pynt med basilkum og nyt!

God søndag!

Oppskrift funne i Tara smak, måtte jo prøvast. Nam!

• 100 gram hasselnøtter
• 1/2 dl sukker
• 2 ss smør
• Ei stor klype salt
• 200 gram mørk sjokolade
• Havsalt
• 2 ss kakao

1. Rist hasselnøtter i ei tørr varm steikepanne.
2. Smelt sukkeret i ei steikepanne til du har fått ein gyllenbrun karamellkonsistens. Rør raskt inn smør og ei klype salt. (har du aldri smelta sukker før kan du få tips her)
3. Tilset hasselnøtter i blandinga og rør godt rundt i panna. Pass godt på at du ikkje brenn nøttene.
4. Ha nøttene over på eit bakepapir og la dei kjølne.
5. Smelt sjokoladen og hell sjokoladen over nøttene.
6. Strø over med havsalt,  og sikt over kakao.
7. Set nøttene i kjøleskapet til alt er stivt.
8. Nyt!

God helg!