Kategori: Kylling

14 mai, 2013

Emelies Supersunne Pålegg!

Supersunt, supergodt og superlett!

Etter å ha trålt butikken for ein lettare variant av påleggsalat gav eg opp og lagde min egen variant! Du får ingen nøyaktig oppskrift sidan denne blir annleis for kvar gong eg lagar den. her må ein prøva seg fram! Denne gongen blei den slik:

Du treng:

Kylling, gjerne økologisk. (ferdig steikt sjølvsagt)
Paprika, gul og raud
Vårlauk
1 fedd kvitlauk
Purre
Tyrkisk yoghurt
Fersk Basilikum
Salt og pepper

Bland saman hakka kvitlauk og basilikum med tyrkisk yoghurt. Kor mykje yoghurt du brukar velger du sjølv. Dette justerer du underveis. Det samme gjeldt med kvitlauken og basilikum. Sidan eg elskar begge deler brukar eg mykje!:-)
Ha så oppi alle dei andre ingrediensane, alt skal vera hakka i små bitar.
Smak til med salt og pepper. Ferdig!

27 september, 2012

Kylling i Tomatform

Ingen eksakt oppskrift å oppdriva, dette blei tatt på “gefylen”. Huska bruddstykker av eit Jamie Oliver program der han laga denne retten, så den er på ingen måte ei nøyaktig oppskrift. Heller ei inspirert oppskrift.

ca 2 pers

-2 kyllingfileter

-4 tomater

-ein kvast oregano

-Olje

-i fedd kvitlauk

- 1 Chili

-1/2 lauk

-Tomatpesto, 1 glass

-Poteter, fedigkokte

1. Først moser du oregano ilag med olje og kvitlauk i ein morter.

2. Skåld tomatane og ta av skalet. Mos så tomatane ilag med chili, lauk og tomatpesto til ei raud suppe. Tilset oreganobladninga og rør godt saman.

3. Steik kyllingfileten gylden, den treng ikkje vera heilt ferdig inni.

4. Legg så kylling og poteter i ei ildfast form, og hell over sausen.

5. Steik i 30-40 min på 200 grader til forma er gylden og fin.

17 april, 2012

Kylling- og Olivenlasagne

Denne oppskrifta fann eg i Mat & Vin. Dette er originaloppskrifta, men eg trikser og jukser litt. Den kvite sausen lager eg alltid litt tjukkare enn det som står i oppskrifta for eksempel, og litt meir ost blir det alltid:-). Kyllingen og lauken heiv eg i kjøkkenmaskina og kjørte til eg hadde passelige bitar, kjempelett og kjempefort.

Her er originaloppskrifta:

6 porsjoner

30 gram smør
20 gram mjøl
4 dl melk
2 dl fløte
250 gram cheddarost
salt og nykverna pepper
2 raudlauk
4 kyllingfileter
1 bunt persille
1 potte basilikum
5 ss olivenolje
100 gram grøne oliven, utan stein
80 gram soltørka tomat
40 gram pinkjerner
2 dl grønnsaksbuljong
12 lasagneplater

Lag først ostesausen. Varm smøret i ein kasserolle. Tilset mjøl og rør raskt saman. Tilset melk og fløte under omrøring. La det putra i ca 1 min. Trekk kasserollen bort frå plata. Tilset 150 gram ost, smak til med salt og pepper. Set til sides.
Skjær kylling og lauk i små terningar.
Hakk persille og basilikum.
Varm 2 ss olje. Brun kyllingbitar og lauk. Salte og pepre og trekk bort frå plata.
Tilset persille og basilikum.
Bland oliven, tørka tomat, pinkjerner, buljong og 3 ss olivenolje og kjør til pure i ei kjøkkenmaskin.
Rør pureen inn i kyllingblandinga.
Legg lasagneplater, kyllingragu og ostesaus lagvis i ei ildfast form.
Avslutt med ragu og ostesaus.
Fordel resten av osten over det siste laget med lasagneplater
Steik ved 180 grader i den nedre delen av omnen i ca 35min.

11 april, 2012

Etter Påske diett: Kylling med Appelsin og Ingefær!

Uffda. Masse god mat og vin blei til eit lite megasjokk på vekta. Ikkje misforstå, da var verdt da. Er vel ingen som klarar å sei nei til pinnekjøtt og diverse andre gode middager av forfengelige årsaker? Ikkje her i huset.

Men me begynne på “nytt”. Og eg har funne ut at eg skal bli kjempeflink til å woka. Av ein eller anna grunn har eg syns at dette har vert dørgande kjedelig mat. Og no trur eg at eg har funne grunnen. Ein må jo ha “sos”. Og alle wok sauser ein kjøper ferdig syns eg smaker skikkelig dårlig. Men etter litt seriøs, intens matforskning har eg sett lyset (google). Kjøleskapet er fullt av grønt, frysen er full i laks, scampi og kylling, og skapet er fullt av soyasaus, sesamolje og østerssaus.

(Nokon som veit kven i Bergen utanom Reindyrka og Meny som selger økologisk kylling?)

Denne oppskrifta har lagt i oppskriftsboksen min sidan 2005, og har aldri blitt prøvd. Og den var sjølvsagt kjempegod! Litt chili hadde heller ikkje vert feil oppi panna visst ein liker wok med litt futt i.

1 person

1 kyllingfilet
2-3 appelsiner
1 knoll ingefær
1/2 pakke sukkererter
1/2 pakke babymais
1/2 raud paprika
Olje
1dl villris eller fullkornris.

Press safta fra 1-2 appelsiner i ei skål.
Riv den skrella ingefæren med eit rivjern og rør ut i appelsinsafta. Skjær kyllingen i strimlar og ha i appelsinsafta. La det marinera i ca 20 min.
Kok ris.
Kutt sukkererter, babymais og paprika i passe store bitar.
Steik kyllingen.
Ta opp kyllingen og fres grønnsakene seperat i nokre minuttar
Ha kjøttet ilag med resten av marinaden i panna og steik alt saman.
Legg kyllingen på ei seng av ris, og garner med oppskårne fileter av den siste appelsinen. Kjempe friskt og godt!

4 april, 2012

Mortens favoritt:Balsamico Kylling!

Som lova, her kjem oppskrift på Morten sin favoritt kylling middag.Fordelen her er sjølvsagt at du likar sennep og balsamico:-) (Enda betre er det om du likar eddik like mykje som meg. Eddikchips for eksempel går ned på høgkant.)

ca 4 pers

4 stk kyllingfilet(helst økologisk)
2 fedd kvitlauk, finhakka
1 ss grov sennep
2 ss balsamicoeddik
Salt og pepper

1.Skjær kyllingfileten på langs.

2.Rør saman kvitlauk, sennep og balsamico og tilset kyllingen.

3.La kyllingen marinera i minst 20min.

4.Steik kyllingen til den er gylden og gjennomsteikt.

5.Dryss over maldonsalt og server ilag med steikte sukkererter og potetsalat.

11 mars, 2012

Heit Kylling med kokosmelk og peanøtter!

Nam nam! Dette blei kjempegodt, kylling ilag med peanøtter tilsamans med noko sterkt blei ikkje feil.

Så til utfordringa å forklara ei oppskrift som skjedde underveis.

2 pers

2 kyllingfileter
1 boks kokosmelk
1 boks hakka tomat
4-5 poteter, i små bitar
1/2 squash , i små bitar
1 ss raud karripaste
1 ss fiskesaus
1 ss østersaus
2 ss soyasaus
1 sjalottlauk, finhakka
1 raudlauk, finhakka
2 kvitlauksfedd, finhakka
Peanøtter
Vårlauk

1. Begynn med å brun kyllingen i ei glovarm steikepanne. Du steiker ikkje kyllingen ferdig, du skal kun få fin farge på den. Ta kyllingen ut av panna og set til sides.

2. Surr kvitlauken, sjalottlauken og raudlauken tilsamans med karripasten (med olje).

3. Når lauken er mjuk, tilset du kokosmelk og hakka tomat.

4. Så er det tid for smaksetting. Tilset soyasaus, fiskesaus og østersaus i sausen. Tilset litt og litt og prøv deg fram. Sidan du bruker hakka tomat kan du bruka litt sukker om du vil det, eg brukte ca 1 ts. La sausen koka i ca 10min.

Østersaus til venstre, fiskesaus til høgre.

5.Hell sausen i ei ildfast form. Ha i poteter og squash i den ildfaste formen og dekk med sausen. Legg kyllingfiletene oppå sausen .

6. Ha formen inn i ovnen på 200 grader. Steik til potetener er møre og kyllingen er gjennomsteikt. Eg hadde forma i ovnen i ca 20 min.

7. Dryss over vårlauk og peanøtter. Rist gjerne peanøttene i ei tørr panne. Da skal eg gjere neste gong.

12 oktober, 2011

Appelsinkylling med Kvitlauk og Ingefær

Denne oppskrifta er dedikert til alle dei single personane der ute. Er lov å kosa seg sjølv om ein må laga middag til “berre “seg sjølv Smilefjes

1 Pers

1 kyllingfile, hakka i biter
1/2 fedd kvitlauk
1 liten bit ingefær, ca 2 cm, finhakka
1 appelsin
1 ts honning
1 ts kvitvinseddik
1-2 ss creme fraiche
Salt og pepper

Skrell appelsinen med eit juliennejern. Dypp appelsinskallet i ca 1 min i kokande vatn. Fisk opp skallet, og bruk det samma vatnet til å dampe brokkolien i. Set skallet til sides.
Steik kyllingen, krydre med salt og pepper.
Ha finhakka kvitlauk og ingefær i panna(saman med kyllingen) og surr i ca 1 min.
Tilset honning, appelsinskallene og eddik.
La det koka saman litt, og bland i creme fraiche.(Her kan ein sjølvsagt ta så mykje creme fraiche ein vil….
Skrell appelsinen, og del opp i båter.
Server med ris, appelsinbåter og dampa brokkoli. Ein skvett soyasaus er absolutt ikkje feil.
Ferdig!

11 oktober, 2011

Nydelig Kylling-og Tomatgryte

Denne gryta er kjempegod, og ein poppis i kvardagen vår. Gryta blir like så god med mager creme fraiche, og visst ein har heimalaga kyllingkraft på lur bør ein absolutt bruka det. Uansett så blir den god Smilefjes Super enkel er den og!

(2 porsj)

350-400 gr kylling
1/2 lauk
2 dl creme fraiche
2 dl vatn
1 ts buljong (kylling)
1/2 chili
1 ss soyasaus
2 ts knust rosèpepper
1/2 beger cherrytomat

Skjær kyllingen i strimlar og brun den i panna, krydre med salt og pepper. Tilset hakka lauk og chili.

Når lauken har begynt å få litt farge tilsett du creme fraiche, vatn, soyasaus, buljong og rosèpepper og lar det koke i ca 10 min eller til sausen er tjukk nok.

Del tomatane i to og legg sei i gryta rett før servering.

Server med potet, ris eller pasta.

25 september, 2011

Søndagsmiddag-Kylling med Parmesan, Sitron, Persille og Potetstappe!

1: Ha brødsmuler, revet parmesan, revet sitronskal og hakka persille på eit fat.

2: Ha kyllingfileten under plastfolie og bank den flat med ei kjevle.

3: Dypp kyllingen først i egg, så i brødsmuleblandinga. Gjerne fleire gonger.

Klar til steiking:

Steik kyllingen til den er gylden.

Mitt faste publikum.

Server kyllingen med potetstappe og gjerne litt tomatsalsa. Fiks ferdig søndagsmiddag!

Ha ein flotters søndag!

24 september, 2011

Speltpizza med Kylling, Spinat og Ricotta

Når eg finn ei pizzaoppskrift i eit treningsblad, må jo pizzaen vera fabelaktig sunn?Og eg skal vera dønn ærlig og sei at einaste grunnen til at eg åpna bladet, var på grunn av oppskriftene. Uansett, dette er ei oppskrift eg nappa ut av Fit bladet,der det står med utheva stor skrift ”Speltmel både smaker og metter mer enn vanlig hvetemel”. Godt nok for meg! Og alle veit jo kor sunn kylling og spinat er. No veit du det ihvertfall.

Oppskrifta var litt kranglete, deigen var ikkje så veldig samarbeidsvillig. Men etter å ha krangla ferdig, satt me igjen med ein riktig så god, sunn pizza!

Deig

90 gram speltmjøl
30 gram maismjøl
1 1/2 dl vatn
15 gram gjær

Fyll

1 kyllingfilet(Me brukte 2)
400 gram fersk spinat
1/2 raudlauk
1/2 raud paprika
1 dl ricottaost
Fersk basilikum
Salt og pepper

Bland deigen i ei skål og elt den til den er smidig. Er den for klissete bruker du litt kveitemjøl. La den heva i ca 40min.
Skjær ferdigsteikt kyllingbryst i avlange strimler. (du kan sjølvsagt steike kyllingen i strimler, mens me syns kyllingen blir betre når me steiker den som heile bryst)
Skyll spinaten og steik den i ei panne i ca 1min. (Her sparte me på kyllingsafta i panna og steikte spinaten i den)
Hakk raudlauken og paprikaen i små biter. Hakk basilikumen i små biter.
Ta deigen ut av bollen og kjevl ut til ein rund deig.
Fordel ricottaost i bunnen.
Legg på spinat, kylling, raudlauk, paprika og basilikum.
Krydre med salt og pepper og ta nokre dråper olivenolje over.
Steik pizzaen i 30 min ved 190 grader.
Server varm eller kald-til frokost eller som snacks.